گۆڕەڕی پاتری (کە هەندێک جاریش پیی دەگوترێت ‘یەك ئاراستە’) جۆری بنەڕەتی و باوترین جۆری گۆڕەڕە کە بەکاردەهێندرێن لە سیستەمەکانی کارۆروناکی سەربەخۆ یان نەبەستراو بە کارەبای نیشتیمانیەوە (ئۆف گرید سیستم). ڕاستەوخۆ بەستراون بە پاتریەوە یان پاتری بانکەوە وە کارەبای تەزوی گۆڕاو دابین دەکەن بۆ بەکاربەرەکانی تەزوی گۆڕاو.
کارەبای بەرهەمهاتووو هەمیشە بە وات پێوانە دەکرێن. بۆ نموونە، گۆڕەڕێکی ٢٠٠ واتی ٢٠٠ وات لە وزەی کارەبا دابین دەکات. لەبەردەستن بۆ جۆری جیاوازی پەستانی پاتری، بۆ نموونە تەزوو نەگۆڕی ١٢ ڤۆڵتی یان ٢٤ ڤۆڵتی.
گۆڕەڕی پاتری تەزوی نەگۆڕ دەگۆڕن لە پاترییەکانەوە بۆ کارەبای تەزوو گۆڕاو تا توانای کارەبای بە بەکاربەری تەزوی گۆڕاو بدەن.
نموونەی گۆڕەڕێکی پاتری لە سیستەمێکی کارەبایی وزەی خۆریسەربەخۆ (نەبەستراو بە تۆڕی کارەبای نیشتیمانیەوە). ڤۆڵتییەی پاتریەکە کەم دەکات بە کەمبوونی شەحنی پاترییەکە. گۆڕەڕەکە ئوتوماتیکی دەکوژێتەوە ئەگەر پەستانێکی کارەبای زۆر کەمی پاتری هەست پێ بکات. بەگشتی ئەم پەستانی کوژانەوەیە زۆرنزمە بۆ پاراستنی پاتریەکە. ئەمەش بەکارهێنانی گۆڕەڕەکان لە سیستمی کارۆروناکی نەبەستراو بە تۆڕی کارەبای نیشتیمانییەوە ئاڵۆز دەکات.ئەم سیستمانە یان. دەبێت زۆر بەوریاییەوە بەڕێوەببردرێت لەلایەن خاوەنی سیستمەکەوە یاخوود دەبێت چارەسەرێکی ئۆتۆماتیکی جێبەجێ بکرێت بۆ پارێزگاریکردن لە پاتریەکان. بوونی لایتی تەزوی نەگۆڕ لە سیستەمەکەدا دەکرێت وەک میکانیزمێکی ئاگادارکردنەوە دەور ببینێت – ڕێکخەری بارگاوی پاترییەکە لایتەکانی تەزووی نەگۆڕ دەپچڕێنێت پێش ئەوەی پاتریەکە ئەوەندە بارگاوی تێدا نەمێنێت کە زیانی پێ بگات، ئەمەش کاتی زیاتر بە پاتریەکە دەدات تا دووبارە بارگاوی ببێتەوە.
گۆڕەڕەکانی پاتری زۆر باون و زۆربەشیان بەشێوەیەك دروستنەکراون کە لە سیستمەکانی وزەی خۆر بەکاربهێندرێن. اپێشنیارکراوە کە ئەو گۆڕەڕانە کە بەکاردەهێنرێن لە سیستمەکانی وزەی خۆر لەو کۆمپانیایانە بکڕدرێن کە کەلوپەلی تایبەت بە سیستمی وزەی خۆر دابین دەکەن؛ وئەم گۆڕەڕانە زۆر چوسترن و ماوەیەکی درێژتری کارکردنیان هەیە.
هەندێك گۆڕەڕەی پاتری وا دروستکراون کە بەکاربهێنرێن لە سیستمەکانی کارۆروناکدا وە ڕێکخەری بارگاویبوونی وزەی خۆریان تێدایە.