پاتری ترش-قورقوشم (پاتری لید – ئەسید) باوترین جۆری پاتریە کە لە سیستمەکانی کارۆروناکی سەربەخۆ (نەبەستراو بە تۆڕی کارەباوە) بەکاربهێنرێت، ئەمەش لەبەر کەمی نرخەکەی. زۆر جۆری جیاوازهەن بە تایبەتمەندی جیاوازەوە. هەندێکیان داپۆشراون (لەبەر ئەوە پێیان دەوترێ ‘بێ صیانە’). هەندێکی تر پێان دەوترێت ‘پاتری تەڕ’، ئەم جۆرە بەردەوام پێویستی بەوەیە پڕبکرێتەوە بە ئاوێک بێ ئایۆن (دڵۆپێندرابێت). ئەو جۆرانەی باشترین کارکردن و درێژترین ماوەی مانەوەیان هەیە پاتری تەڕی ‘سووڕی قووڵ’ـن.
زۆرێک لەو پاتریە ترش-قورقوشمانەی لە ناوخۆدا بەردەستن (ئیتر لە ناوخۆدا دروستکرابن یان هاوردەکرابن) کە بۆ مەبەستی تر بەکاردەهێنرێن، وەک سیستمەکانی تێلیکۆۆم، دەتوانرێت بۆ سیستمەکانی کارۆروناکی سەربەخۆ (نەبەستراو بە تۆڕی کارەباوە) بەکاربهێندرێن. هاوردەکردنی پاتری گرانە، و زۆرجاریش نەگونجاوە مەگەر بۆ سیستەم و پرۆژە گەورەکان.
پاتری ترش-قورقوشم لاوازترین خاڵی سیستمەکانی کارۆروناکی سەربەخۆ (نەبەستراو بە تۆڕی کارەباوە) – زۆربەی کات یەکەمین پێکهاتەی سیستمەکەن کە لە کاردەکەون، و ئەگەر سیستمەکان بەباشی دیزاین نەکرابن یان بەباشی بەڕێوەنەبرابن دەکرێت زۆر بەخێرایی لە کار بکەون.
لای چەپ: پاتری ترش-قورقوشمی ١٢ ڤۆلتییەی داپۆشراو بۆ بەکارهێنان لە سیستمی بچوکی نەبەستراو بە کارەبای نیشتیمانی.
لای ڕاست: خانەی پاتری تەڕی سووڕ-قووڵی ٢ ڤۆڵتیەی بەکارهێنراو لە سیستمی گەورەتر.
پاتریەکان زۆرجار بەشێوەی دوایەك بەستراون نەوەك بەهاوتەریبی.
چەپ: ٢ پاتری ١٢ ڤۆڵتی بەستراو بەشێوەی دوایەك. ڕاست: ٦ پاتری ٢ ڤۆڵتی بەستراو بەشێوەی دوایەك.
سەرجەمی ڤۆلتی پاتریەکان بریتیە لە کۆی ڤۆ ڵتیەکانی پاتریەکان کە بەشێوەی دوایەك بەستراون. یان سەرچەمی ئەمپێڕ کاژێری پاتریەکان بریتیە لە هەمان بڕی ئەمپێڕ کاژێری تاک پاتریەکان/خانەکان.
پاتری ترش-قورقوشم پێویستە هەرگیز بەتەواوی بارگەکانی خاڵی نەکرێتەوە. بۆ پاتریەکی کوالێتی باشی سووڕ-قووڵ دەبێت زیاترین ڕێژەی قووڵی بارگەخاڵیبوونەوەی (دی ئۆ دی) لە ٨٠٪ ڕێگەپێدراوە . هەتا رێژەی بارگەخاڵیبونە قوڵتر بێت، تەمەنی مانەوەی پاتریەکە کەمتر دەبێت. پاتریی ترش-قورقوشمی کوالێتی بەرز، زانیاری تەواوی دامەزراندن، کارپێکردن وە نوێژەنکردنی لەگەڵدایا.