سێبەر لەسەر مۆدولی کارۆروناکی دەتوانێت بەشێوەیەکی بەرچاو بەرهەمهێنانی کارەبا کەم بکاتەوە. ئەمە بەتایبەت بۆ مۆدولەکانی کریستاڵینی سلیکۆن ڕاستن، کە باوترین جۆری مۆدولی بەکارهێنراوە.
خانە خۆرەکانی ناو مۆدیۆلی PV بە زنجیرە بەستراونەوە. سێبەرخستنە سەر یەکێک لە شانەکان وەک بەربەست دانانە لەبەردەم ئاوێکی ڕۆیشتوو. توانای کارەبای بەرهەمهاتوو دەکرێت کەمبێتەوە بەڕێژەی ٨٠٪ یان زیاتر.
سێبەرچوونە سەر کۆمەڵە مۆدولێکی کارۆروناکی دەکرێت کاریگەرییەکەی هاوشێوەی هەبێت. تەزووی کارەبای بەرهەمهاتوو لەلایەن مۆدولێکی کارۆروناکی کە سێبەری لەسەرە لەوانەیە هەمان بڕی بەرهەمهاتووی تەواوی کۆمەڵەکە بێت.
نموونەی کۆمەڵە مۆدولی کارۆروناکی کە سێبەری لەسەرە. سەرچاوە: کۆمپانیای سۆلید، ئەڵمانیا.
سێبەر نابێت بکەوێتە سەر مۆدول و کۆمەڵە مودولی کارۆروناکی. بۆ ئەو سیستێمانەی تەنیا لە چەند مۆدولێکی کەم پێک هاتوون ئاسانە. بەڵام بۆ کۆمەڵە گەورەکان، یان ئەگەر درەخت و باڵەخانەی تر لە نزیکەوە هەبن، ئەوکات دەبێت لێکۆڵینەوەیەکی باشی سێبەر ئەنجامبدرێت. کەرەستەی تایبەت لەبەردەستن تا بەکاربهێنرێن بۆ ئەنجامدانی لێکۆڵینەوەیەکی پڕۆفیشناڵانەی سێبەر.
مۆدولەکانی کارۆروناکی بایپاس دایۆدیان هەیە کە کاریگەری سێبەر کەم دەکاتەوە، بەڵام هێشتا کارەبای بەرهەمهاتوو کەمترە.