پەناڵی کارۆروناکی لەخانەی تیشکی خۆر پێک هاتووە. . ئەم خانانەی تیشکی خۆر پێکەوە بەستراون بە شێوەی دوایەك یان هاوتەریب بۆ بەرهەمهێنانی وزەی کارەبایی خوازراو لە مۆدولەکانەوە (پەناڵەکانەوە).
کۆمەڵەی مۆدولی کاڕۆروناکی لە چەندین مۆدولی کارۆروناکی پێکهاتووە، وە مۆدولەکانیش لە چەندین خانەی تیشکی خۆر پێکهاتوون.
لە مۆدولێکدا خانەکانی تیشکی خۆرکارەبایانە پێکەوە بەستراون و لەنێوان دوو چینی زۆر باریکی ڕووندا دانراون کە لە مادەی گلدەرەوە دروستکراون. ئەم مادەیەش دواتر لەسەر پەڕەیەکی تیشکدەرەوە (بەشێوەیەکی باو لە مادەی پۆلیڤینڵ فلۆراید دروست دەکرێت)، و داپۆشراوە بە شووشە لە چوارچێوەیەکی ئەلەمنیۆم. ئەم چینانەی مادە، شانەکانی وزەی خۆر دەپارێزن لە ژینگە و دڵنیایی ئەوە دەبەخشن کە شێ و پیسی نەچێتە ناو مۆدولەکە. کە ئەمەش یەکێکە لە باوترین هۆکارەکانی خراپبوونی مۆدول. گەیەنەرە کارەباییە دەرچوەکان لە سنوقێکی کۆکەرەوەدایە کە کەوتۆتە پشتەوەی مۆدولەکە وە کێبڵی کارەبای پێوە دەبەسترێت.
کاتێک ڕووکاری دەرەوەی خانەیەکی وزەی خۆر تیشکی خۆر دەکەوێتەسەر، فۆتۆنەکان دەکەونە سەر خانەکان و هەڵدەمژرێن. وزەی فۆتۆنەکان دەگوازرێنەوە بۆ ئەلکترۆنەکانی ناو خانەکە، ئەمەش وایان لێ دەکات بجوڵێن. کاتێک ئەم ئەلکترۆنانە بەیەکەوە دەگوازرێنەوە بۆ ئەوەی لە ڕێگەی کێبڵێکی کانزاییەوە کاربکەن، کارەبای ڕاستەوخۆی کارەبا (DC) بەرهەم دەهێنن.